Ал Ахли се откажа од преговорите: Алиоски им барал премногу пари!

28 јули 2021 - 09:55

Македонскиот репрезентативец Езгјан Алиоски нема да се пресели ниту во Ал Ахли, иако пред неколку дена се појавија шпекулации дека левиот бек си договорил двегодишна соработка, а причина за прекина на преговорите се финансиските услови.

Новинарот Педро Алмеида објави дека Алиоски договорил двегодишна соработка и ќе заработи пет милиони евра, но сега истиот новинар тврди дека македонскиот репрезентативец ги зголемил финансиските барања, односно сака 2,5 милиони евра по сезона плус бонуси, а тоа е премногу за екипата од Саудиска Арабија.

Претходно од македонскиот фудбалер се откажа и Галатасарај, а тренерот Фатих Терим кажа дека не сакал да го ангажира Алиоски токму поради неговите финансиски барања.