Ако не ѝ се извини Перез на Барселона, ќе добие тужба за клевета!

28 септември 2026 - 18:25

Денеска официјално беше закажано рочиштето за обид за договор меѓу Барселона и Флорентино Перез. Претставниците на каталонскиот тим на 25 ноември ќе се појават во Судот во Мадрид за да се сретнат со првиот човек на Реал Мадрид.

Каталонскиот гигант побара Перез да ги повлече своите обвинувања дека им се украдени титули во Ла Лига од Барселона, а доколку не се случи такво нешто, тогаш Барселона ќе го тужи претседателот на „кралевите“.

Сè почна по скандалозната изјава на Перез на прес-конференцијата за новинари на 12 мај, кога распиша избори во Реал Мадрид и притоа обвини дека му се „украдени седум титули“ со случајот „Негреира“ во кој беше обвинета Барселона.