Воска Спорт го потврди трансферот на Бехар Фета во словенечки Марибор

Фета, кој за Воска играше од 2021 година и даде 50 гола во 65 настапи за охриѓани, потпиша тригодишен договор со Марибор и денеска Воска го испрати својот фудбалер за Словенија, каде после лекарските прегледи ќе биде официјално промовиран.

Како дел од трансферот, охриѓани најавија дека ќе дојде еден фудбалер од Марибор како дополнително засилување на тимот за оваа сезона, а вчера Воска ги освои првите прволигашки бодови со триумфот со 3-2 против најтрофејниот макеоднски клуб Вардар.

Засилувањето од Словенија дополнително ќе биде објавено.

Фета има шест настапи за македонската селекција до 21 година откако пред една година дебитираше во националниот тим.