Се ниша фотелјата и на Дејан Јакимовски, еден месец откако стана шеф на судиите во ФФМ!

Оваа вест е секако изненадување за познавачите на условите на мак-фудбалот, но на Јакимовски, во последнов период, му се замерувало поради тоа што работел „спротивно од интересите“ на Федерацијата и дека не постапувал согласно политиката на челните луѓе. 

Јакимовски имаше богата домашна и меѓународна судиска кариера, тој ја има делено правдата на повеќе од 500 натпревари во Првата и Втората МФЛ, а како ФИФА-судија има над 110 меѓународни натпревари. По завршувањето на активната судиска кариера, продолжи да работи во различни структури поврзани со судењето, беше член на Судискиот одбор, работеше како УЕФА-контролор, а имаше значајна улога и како ВАР-менаџер и проектен лидер при воведувањето на ВАР-технологијата во македонскиот фудбал.

Вчера, исто така неофицијално, проструи информација дека и неговиот татко Делчо Јакимовски, исто така поранешен судија, ќе биде отстранет од листата на контролори, поради незадоволство од неговата работа.