Работнички се засили со фудбалер со големо меѓународно искуство

14 февруари 2025 - 14:55

Македонскиот фудбалски прволигаш Работнички го засили својот состав со Валон Ахмеди, офанзивен играч за врска со големо интернационално искуство.

Тој последно настапуваше за Шкендија, а настапуваше за клубови како Судтирол, Целје, Марибор, Кирјат Шмона, Интер Запрешиќ и Шахтер Солигорск. Неговото пристигнување доаѓа по заминувањето на Али Регба, најдобриот фудбалер на клубот во есенскиот дел од сезоната. Ахмеди, кој може да игра и на крилните позиции, се очекува да донесе дополнителна креативност во офанзивата на тимот на Горан Станиќ.

Новото засилување за дебармаалци во есенскиот дел од сезоната одигра 13 натпревари за Шкендија и постигна еден гол. Работнички пролетниот дел од шампионатот го отвора со гостување кај Шкупи.