Осминафиналист и Гостивар, Победа немаше сили за изненадување

02 октомври 2024 - 16:24

Во натпреварот кој започна нешто подоцна екипата на Гостивар ја оправда фаворитската улога против прилепска победа и славеше победа од 3-1.

Од самиот старт Гостивар доминиташе на теренот, па и по 10 минути игра стигна до водство со погодокот на Иван Ивановски. По нешто повеќе од половина час игра Машике се погрижи и за 2-0.

Со предноста од 2-0 гостиварци заминаа на паузата, а по 20-тина минути игра Ајдини стрелаше за 3-0. Се играше 69. минута кога Победа го постигна утешниот гол на оваа средба.

До крајот видовме по некоја прилика и на двете страни, но резултатот не се промени.

Во натпреварите кои се играа претходно, пласман во осминафиналето обезбедија екипите на Воска Спорт и Македонија Ѓорче Петров.