Ново засилување за Тиквеш: Октај Ракипи пристигна во Кавадарци

03 август 2026 - 17:49

Тиквеш го претстави најновото засилување за новата сезона, а тоа е Октај Ракипи кој се враќа во македонскиот шампионат.

Младиот фудбалер пристигнува во Кавадарци откако претходно го напушти словенечкиот клуб Јесенице.

„Млад, амбициозен и технички поткован играч, Октај доаѓа во Кавадарци подготвен да даде сè за црвено-белиот дрес. Неговата енергија, работна етика и желба за напредок совршено се вклопуваат во визијата што ја градиме. Веруваме дека ова е само почеток на едно успешно заедничко поглавје“, објави Тиквеш.

Ракипи претходно во кариерата играше и за Беса, Шкендија, Гостивар и Борец.

Фото: ГФК Тиквеш