Нови заразени фудбалери во македонскиот фудбал – тројца позитивни во второлигашот Охрид

Охрид е последен кој регистрира позитивни на коронавирус, откако од појавата на Ковид-19, досега заразени имаше во Ренова, Шкендија, потоа во Македонија ЃП, Работнички, како и во третолигашите Росоман, Чаклани..., поради што баражите за влез во второлигашката конуренција беа откажани.

„Сакаме да Ве информираме дека тројца фудбалери од нашиот клуб се позитивни на вирусот ковид -19. Тестовите на сите чинители во клубот ги извршивме во четвртокот, а денеска ни стигнаа резултатите. Ние како клуб ги презедовме сите мерки и ги почитувавме протоколите, но невидлиот непријател бесчујно навлезе и во нашите редови. Од сега понатаму ќе ги следиме насоките од надлежните институции и ќе постапуваме согласно нивните инструкции“, објави Охрид.