„Лавовите“ од Ѓорче први се тестираа на коронавирус

Организацијата на тестирањето е во соработка со Синдикатот на фудбалери на Македонија (СФМ), кој уште од претходно најави дека ќе обезбеди бесплатни тестови за сите фудбалери. Во Ѓорче Петров денеска беше направена комплетно тестирање на сите, од фудбалери, стручен штаб до вработени во клубот и технички персонал.

Во следните денови треба да бидат познати сите резултати, а тестот доаѓа во момент кога ништо не е познато во македонскиот фудбал. Иако денеска требаше да почнат индивидуалните тренинзи, засега нема ништо од препораките на здравствените власти за тоа како да се изведуваат, ниту пак има најава кога би можеле да тренираат нормално.

ФФМ и клубовите денеска имаат состанок за да решат што понатаму со сезоната која повеќе од два месеци е во прекин поради епидемијата.