„Лавовите“ до победа во 92. минута, Силекс ја растури Беласица, а дербито на Чаир – без победник! (ФОТО)

По едно полувреме за Шкупи и Шкендија, четири гола, многу борба, уште низа шанси на мечот, за возбудлив почеток на сезоната во која Дембо Дарбо постигна два гола за чаирчани, а новото засилување кај тетовци, Љупчо Дориев со гол и асистенција беа главни имиња на пресметката во скопската општина Чаир.

Еден час Шкупи имаше предност од два гола откако Шкендија ја шокира Дембо со два гола, но набрзина за само шест минути, Дориев прво постигна ефектен гол, а потоа му асистираше на Валон Ахмеди за израмнување, за на крај чаирчани кои се решија во вториот дел повеќе да внимаваат на голот, отколку да напаѓаат препуштајќи ја комплетната иницијатива на тетовци се спасуваа и да не загубат, а Бесарт Кривањева го спречи Валмир Нафиу да постигне и трет гол.

Македонија ЃП во судиското надополнување стигна до прва победа во новата сезона откако Ермедин Адем во 92-та минута постигна гол за триумф со 2-1 против Работнички. Боби Божиновски пет минути пред крајот на полувремето погоди за водство, а Димитар Тодоровски десет по стартот на вториот дел израмни и кога сите очекуваа со реми и по еден бод за двата тима, дебармаалци останаа шокирани. Една акција во завршницата, Адем рутински ја реализира за голем триумф на „лавовите“.

Претставникот на Македонија во ЛШ, Силекс, кој во минатата сезона заврши како второпласиран покажа дека е подготвен за европската авантура, откако денеска во второто полувреме ја торпедира Беласица со 6-0, па кратовци во новата сезона тргнаа најсупериорно, покажувајќи дека ќе играат голема улога во оваа сезона во прволигашката конкуренција. Денис Ристов со два гола, по еден на Ивановски, Ѓорѓиев и Ѓуриќ беа стрлците за убедливиот триумф на Силекс.

Пелистер со еден потег на новото засилување Хот уште по десет минути победнички тргна во новата сезона во елитното друштво каде се врати како првопласиран до прекинот на сезоната од Втората лига, па голема победа запишаа битолчани за уште поголема самодоверба во следниот период во сезоната.

Пресметката на Ренова и Струга Трим Лум беше единствена која заврши без голови во оваа воведна рунда, а вчера на отворањето на сезоната Вардар загуби од Борец со 0-1.

ПРВО КОЛО (17.30 ЧАСОТ)

Шкупи – Шкендија 2-2 (2-0)
Дембо 6, 45 – Дориев 61, Ахмеди 66

Македонија ЃП – Работнички 2-1 (1-0)
Божиновски 40, Адем 90+2 – Тодоровски 55

Беласица – Силекс 0-6 (0-0)
Ивановски 47, П. Ѓорѓиев 60, Ристов 70, 84, Ѓуриќ 88, 90+2

Пелистер – Академија Пандев 1-0 (1-0)
Хот 10

Ренова – Струга Трим Лум 0-0

ВЧЕРА

Вардар – Борец 0-1 (0-1)
Радовиќ 2

ТАБЕЛА: Силекс 3, Македонија ЃП 3, Пелистер 3, Борец 3, Шкупи 1, Шкендија 1, Ренова 1, Струга ТЛ 1, Вардар 0, А. Пандев 0, Работнички 0, Беласица 0.