И ОФС Скопје застана зад кандидатурата на Масар Омерагиќ!

29 ноември 2024 - 20:56

Откако вчера Општинскиот фудбалски сојуз на Свети Николе го предложи поранешниот фудбалер и некогашен член на Управниот одбор на ФФМ, Масар Омерагиќ за нов претседател, денес тој поддршка доби и од ОФС Скопје.

Вонредното изборно собрание на ФФМ е закажано за 22 декември и новиот претседател ќе го наследи Муамед Сејдини кој неодамна го објави своето повлекување.

Досега поддршката за екс-фудбалерот на Слога Југомагнат и Вардар е сѐ поголема. Претходно неговата кандидатура јавно ја поддржа фудбалски легенди како: Пандев, Ибраими, Христов и Најдоски.