Историја во Бачка Топола: Мирчевски со ТСЦ ќе играат квалификации за ЛШ!

28 мај 2023 - 19:18

Македонскиот фудбалер Мартин Мирчевски и неговите колеги од ТСЦ Бачка Топола испишаа историја, откако го освоија второто место во српското првенство и ќе играат квалификации за пласман во групната фаза на Лигата на шампиони (ЛШ).

ТСЦ во последното коло одигра 1-1 против Војводина, откако Илиќ најпрво погоди за домаќините од пенал во 66. минута, а потоа Чумиќ го постави конечниот резултат.

Екипата на Мирчевски има 75 бодови на втората позиција, исто колку и Чукарички, но поради подобра позиција во регуларниот дел од сезоната, го освои второто место кое им носи место во квалификациите за ЛШ.

Мирчевски ја заврши сезоната во дресот на ТСЦ со седум голови и две асистенции.