Фудбалер на Звезда сериозно тврди: Ќе докажам дека сум подобар од Јамал!

05 ноември 2024 - 16:27

Фудбалерот на Црвена Звезда, Андрија Максимовиќ пред натпреварот од четвртото коло во Лигата на шампионите во кој неговиот тим ќе игра против Барселона самоуверено најави дека ќе покаже повеќе од Ламин Јамал.

Максимовиќ го носи прекарот „српскиот Меси“, а очигледно и тој самиот е полн со самодоверба пред натпреварот. 

Со Јамал веќе еднаш беше на теренот кога се соочија на Европското првенство летово.

„Се сретнавме на Европското првенство. Одличен фудбалер, тука е и Кубрси. Тие се моја генерација, утре ќе излезам и ќе покажам дека сум подобар од него (Јамал).

Планирам да ги размениме дресовите на крајот“, изјави Максимовиќ.

Го истакна Максимовиќ и значењето на европските натпревари.

„Против Интер ми беше деби и тука видов дека можам да играм големи натпревари. Против Монако не изгледаше натпреварот онака како што замисливме, но утре ќе биде мојот најсилен противник...Се чувствуваме подготвени, пред нашата публика се е можно“, порача Максимовиќ.

Натпреварот на „Рајко Митиќ“ се игра во терминот од 21:00 часот.