Дарко Тасевски по дведецениска кариера објави фудбалска пензија

04 јуни 2023 - 17:08

Поранешниот македонски репрезентативец Дарко Тасевски, кој 45 пати го носеше црвено-жолтиот дрес од 2005 до 2012 година и официјално заминува во фудбалска пензија после последниот меч за Славија Софија против Локомотив Софија кој ќе се игра за два дена во последниот круг од бугарската ЕФБЕТ-лига.

Тасевски, кој е вардарово дете, преку Цементарница и Вардар изгради богата интернационална кариера, играше за укрински Металург Запорожје (2005-07), Левски Софија (2007-2012), израелски Макаби Кират Шмона (2012/13), тајландските Бангкокг Глас, Супханбури и Кон Каен од 2014 до 2018 година, а во последните четири години беше дел од софисла Славија.

„Благодарам за големата авантура и убавите спомени“, објави Тасевски.

Фудбалерот за врска за Македонија дебитираше во 2005 година, а во 45-те настапи даде еден гол против Словенија во пријателски меч во победата со 3-2 на 14 ноември 2012 година.