Србљак со пресврт се избори за второ коло во Куршумлиска бања

10 јули 2024 - 22:23

Македонскиот тенисер Горазд Србљак оствари голема победа во првото коло на турнирот во Куршумлиска бања, откако го совлада Бенџамин Игнасио Торес од Чиле со 2-1 во сетови, односно 1-6, 7-5 и 6-0.

Србљак играше многу лошо во првиот сет и освои само еден гем (1-6), додека во вториот сет ги корегира своите грешки и стигна до 7-5.

Чилеанецот го загуби здивот во третиот сет и почна да прави грешки кои ги користеше македонскиот тенисер за да слави со 6-0.

Србљак во второто коло на турнирот ќе се соочи против седмиот носител Федерико Бондиоли.