Синер по голема борба едвај го мина првото коло на турнирот во Пекинг!

26 септември 2024 - 13:36

Најдобриот светски тенисер, Јаник Синер, се пласираше во второто коло на турнирот во Пекинг, откако денеска, далеку потешко од очекувањата, го совлада Николас Жари (4-6, 6-3, 6-1).

Мечот траеше речиси два час, а ова беше прв триумф на Италијанецот во вториот меѓусебен дуел со противникот од Чиле. Аутсајдерот во седмиот гем од првиот сет направи брејк и неочекувано поведе, по што првиот на АТП-листата почна да игра подобро препуштајќи му само четири гема на ривалот до крајот на дуелот.

Синер во втората рунда ќе игра против победникот од мечот меѓу Швајцарецот Стен Вавринка и Русинот Роман Сафиулин. Турнирот во Пекинг се игра за награден фонд од 3,7 милиони долари.