Шелтон ја одбрани титулата во Монтреал и влезе во друштво на Ѓоковиќ, Надал и Мареј!

Тој до седмата титула во кариерата стигна на импресивен начин, без да загуби ниту еден сет во текот на целиот турнир. Со одбраната на трофејот, Шелтон стана само четвртиот тенисер во овој век кој успеал две години по ред да го освои канадскиот мастерс, по Енди Мареј, Новак Ѓоковиќ и Рафаел Надал.

Американскиот тенисер првиот сет од финалето го реши со клучниот брејк во седмиот гем, по што без поголеми проблеми дојде до 6-3. Многу поголема борба имаше во вториот сет. Накашима успеа да дојде до предност, но Шелтон возврати и избори тај-брејк. Во него бранителот на титулата беше посигурен, славеше со 7-4 и ја завери новата мастерс-титула.

За Шелтон ова е веќе четврти освоен турнир сезонава, а посебно импресивен е фактот што трофеите ги освојуваше на три различни подлоги. Победи на тврда подлога во Далас и Монтреал, на земја во Минхен и на трева во Штутгарт, потврдувајќи дека сезонава може да биде опасен практично во сите услови.

Следниот предизвик за Американецот е мастерсот во Синсинати, каде што ќе се обиде да ја продолжи победничката серија и во најдобра можна форма да го дочека Ју-Ес опен. Одличните резултати веќе го однесоа до шестото место на АТП-листата, а според формата во која се наоѓа, Шелтон би можел да биде еден од тенисерите од кои најмногу ќе се очекува во Њујорк.

ФОТО: X / @usopen