Сензација во Монтреал: Зверев елиминиран од 69. тенисер во светот

06 август 2026 - 08:15

Германскиот тенисер Александер Зверев го заврши настапот на Мастерс турнирот во Монтреал уште во второто коло, откако по голем пресврт загуби од Холанѓанецот Талон Грикспор со 1-2 во сетови (7-6, 2-6, 4-6).

Зверев го доби првиот сет по тај-брејк и изгледаше дека сигурно чекори кон пласман во следната рунда, но Грикспор во продолжението целосно го смени текот на мечот. Холандскиот тенисер заигра многу поагресивно, го презеде ритамот на играта и со одлична партија стигна до една од најголемите победи во својата кариера.

Мечот траеше повеќе од два и пол часа, а Грикспор со сигурна игра во решавачкиот сет успеа да го скрши отпорот на првиот носител и да обезбеди место во осминафиналето. Ова е сериозен удар за Зверев во пресрет на завршните подготовки за УС Опен, додека Грикспор продолжува со одличните настапи и потврди дека може да биде незгоден ривал и за најдобрите светски тенисери.

Покрај Зверев, турнирот во Монтреал остана и без неколку други фаворити. Данил Медведев беше елиминиран од сонародникот на Грикспор, Ботик ван де Зандсхулп, додека натпреварувањето предвреме го заврши и Тејлор Фриц, со што турнирот уште во раната фаза остана без неколку звучни имиња.