Сега или никогаш: Зверев на само чекор од првата Гренд слем титула во кариерата

Тој победи за околу три часа игра во Париз со резултат 7-5, 6-2, 3-6, 6-3 и ќе се соочи со Коболи или Арналди за својата прва титула на најголемите турнири. Зверев досега три пати беше во финалето на Гренд слем турнирите и ниту еднаш не успеа да стигне до титулата. Беше поразен од Доминик Тим во 2020 на УС Опен, од Алкараз на „Ролан Гарос“ во 2024 и од Синер на Австралија Опен во 2025 година.

Без разлика со кого ќе игра во финалето, ќе биде голем фаворит и ќе има историска шанса да се запише меѓу најголемите во тенисот. Што се однесува до овој натпревар, Меншик даде сè од себе и се обиде да го изненади фаворизираниот Германец уште во првиот сет, но Зверев не го дозволи тоа.

Клучниот момент беше брејкот во 11. гем, кој го донесе на 6-5, а потоа по еден час игра го освои првиот сет. Вториот го доби многу убедливо, со 6-2, а потоа во третиот сет малку падна во играта и му дозволи на Меншик да се закани. Тоа е само втор сет што Зверев го загуби на „Ролан Гарос“ во 2026 година.

Сепак, во четвртиот сет, Меншик беше тотално уништен. Слично како и во првиот, Зверев го диктираше темпото и без поголеми проблеми стигна до своето четврто Гренд слем финале во кариерата.