Сабаленка со лесна победа ја продолжи историската серија на турнирот во Вухан!

10 октомври 2025 - 12:50

Светската број еден во женскиот тенис, Арина Сабаленка, на импресивен начин се пласира во полуфиналето на турнирот во кинескиот град Вухан, совладувајќи ја Казахстанката Елена Рибакина со убедливи 6-3, 6-3.

Со овој триумф, белоруската ѕвезда ја продолжи својата неверојатна низа на 20 победи по ред во Вухан, рекорд што не бил остварен уште од 1990 година. Сабаленка ја зацврсти својата лидерска позиција на врвот на ВТА-листата и уште еднаш потврди дека се наоѓа во одлична форма и е подготвена да атакува на титулата на собирот кој се игра за награден фонд од 3,65 милиони долари.

Белорусинката во полуфиналето ќе се соочи со амбициозната Американка Џесика Пегула.