Руска тенисерка заработи милиони, а сите пари завршиле кај - татко ѝ!

26 февруари 2025 - 07:40

Мира Андреева е една од најталентираните тенисерки во светот и минатата недела го освои турнирот во Дубаи на само 17 години, по што напредуваше до деветтото место на ВТА-листата.

Андреева освои и 597.000 долари од турнирот во Дубаи, со што се приближи до сумата од четири милиони долари, кои ги заработила во кариерата.

Младата руска тенисерка откри дека парите му ги дава на својот татко, кој се грижи за финансиите.

„Сите пари му ги давам на татко ми затоа што сум малолетна и немам сметка во банка. Мојот татко ги води финансиите, а јас сега ќе побарам малку пари само за мал подарок“, кажа Андреева по прашањето како ќе ги троши парите освоени на турнирот.