Ѓорческа не се предава – ќе проба да влезе на главниот турнир на големиот Вимблдон!

14 јуни 2026 - 17:06

Најдобрата македонска тенисерка, Лина Ѓорческа, ќе биде дел од квалификациите за Вимблдон, со што ќе го комплетира настапот на сите три досегашни гренслем-турнири оваа сезона.

По учеството во квалификациите за Австралијан Опен и Ролан Гарос, таа добива нова можност да се бори за место во главниот жреб на најпрестижниот турнир во светот, кој се игра на тревна подлога. Ѓорческа веќе ги започна подготовките за настапите на трева, подлога која носи поинакви предизвици и бара специфична адаптација во играта.

Тетовчанката во моментов се наоѓа на 211. место на ВТА-листата, а добрите настапи во квалификациите би можеле дополнително да ѝ помогнат во напредокот на светската ранг-листа.