Ѓорческа ќе ја предводи Македонија на мечевите од Били Џин Кинг купот во Скопје

18 јуни 2023 - 11:34

Најдобрата македонска тенисерка Лина Ѓорческа ќе ја предводи женската репрезентација на Македонија на годинашниве мечеви од Третата Европска зона од Били Џин Кинг купот што од понеделник до сабота (19-24.јуни) ќе се игра во Скопје на терените на ТК Југ.

Покрај Ѓорческа во составот на Македонија се и Магдалена Стоилковска, Александра Симева, Ива Данева и Ана Митевска.

Ѓорческа како 232. на ВТА листата е меѓу најдобрите пријавени тенисерки од 11. земји кои ќе настапат на турнирот во Скопје.

За натпреварувањето се пријавени 11 репрезентации, кои ќе бидат поделени во две групи (6 репрезентации и 5 репрезентации).

Извлекувањето на групите ќе се одржи во попладневните часови.