Бразилец го елиминираше Рубљов од Австралија Опен! (ВИДЕО)

14 јануари 2025 - 13:27

Русинот Андреј Рубљов рано го заврши настапот на Австралија Опен откако денес беше изненаден од Бразилецот, Жоао Фонсека.

Не само што Фонсека го победи Рубљов туку и доминираше на теренот без да му дозволи да освои сет. 

Сите три сета му припаднаа на младиот Бразилец со 7-6, 6-3, и 7-6. Противник на Фонсека во второто коло ќе му биде Лоренцо Сонего од Италија кој го елиминираше ветеранот и поранешен шампион од Мелбурн, Стен Вавринка.

Инаку, Фонсека кој има 18 години минатата година настапи на турнирот за млади тенисер до 21 година и успеа да го освои.