Ѓоковиќ остана без финале на завршниот Мастерс: Зверев против Медведев за трофејот!
Ѓоковиќ не успеа да стигне до завршниот меч и да се бори за нов трофеј во своето рекордно десето полуфинале на завршните Мастерси, а еден загубен свој сервис во четвртиот гем во клучниот трет сет реши сѐ. Имаше Србинот шанса да се врати со рибрејк на 2-4, па доби шанса со брејк топка во седмиот гем да го надомести загубеното, но не успеа, а Зверев откако го освои тој поен за водство од 5-2, си го освои и следниот свој сервис и тоа убедливо без загубен поен за конечна победа.
Ѓоковиќ во првиот сет во десетиот гем имаше шанса за брејк и да го освои првиот сет, но не ја искористи таа шанса, па спасуваше две брејк топки во следниот гем и на крај загуби во тајбрејкот со два загубени сервиси во петиот и осмиот поен за конечни 7-4 за Зверев и водство.
Во вториот сет, после егал мечот во кој двата тенисери си го освојуваа својот сервис до 4-4, следеше брејкот на Србинот, па дури од петтата сет топка на крај го завери освојувањето на сетот и израмнувањето во мечот, но потклекна во третиот сет и остана без финале.