Ѓоковиќ нема да настапи во Шангај

17 септември 2023 - 22:00

Српскиот тенисер Новак Ѓоковиќ нема да настапи на Мастерсот во Шангај, иако во кариерата го освои шест пати, а се очекуваше да игра и годинава, но поради густиот распоред реши да земе пауза.

Ѓоковиќ најверојатно ќе паузира до Мастерсот во Париз, односно месец ипол ќе биде надвор од тениските терени.

„Во Шангај во минатото добивав голема поддршка. Тој е еден од моите омилени турнири, се надевам дека во иднина повторно ќе заиграм во Кина“, кажа Ѓоковиќ.

Србинот неодамна го освои Ју-Ес Опен и така стигна до 24 гренслем-титули во кариерата.