Ѓоковиќ лошо почна, ама пак лесно обезбеди полуфинале против Синер!

09 јули 2025 - 20:47

Новак Ѓоковиќ продолжува со нападот на 25. титула на гренслем-турнирите, откако вечерва се пласира во полуфиналето на Вимблдон со победата над Италијанецот Флавио Коболи во четири сета (6-7, 6-2, 7-5, 6-4).

За српскиот тенисер ова ќе биде 14-ти пласман меѓу четирите најдобри на неофицијалното светско првенство, во кое ќе ги одмери силите против најдобриот во моментов – Јаник Синер. Популарниот Ноле лошо го почна вечерашниот дуел, откако го загуби првиот сет во тајбрејк и тоа по водство со 5-3 во гемови. Тоа како да го налути, па брзо изедначи и тоа со два брејка во вториот сет, а беше сигурен и во третиот и четвртиот сет, што значеше сигурен триумф.

Во второто полуфинале, Карлос Алкараз ќе ги одмери силите против Тејлор Фриц.

ФОТО: EPA PHOTO