Ерани ја обвини Бертенс за глума: Не сакам кога некој си поигрува со мене

30 септември 2020 - 19:47

Кики Бертенс ја победи Сара Ерани во три сета на Ролан Гарос, а Холанѓанката мечот го напушти во инвалидска количка поради силни грчеви. Таа беше во солзи поради болката, но нејзината ривалка ја обвини за глума. 

Финалистката на Ролан Гарос од 2012 година не беше убедена дека нејзината ривалка е толку повредена, бидејќи по мечот ја видела во соблекувалната и ресторанот и се однесувала нормално.

„Трчаше како никогаш претходно“, рече Ерани за Бертенс. „Ме налути. Браво за неа. Навистина не сакам кога некој си поиигрува со мене. Играше одличен меч, но не ми се допадна таа ситуација, еден момент таа е повредена и потоа трча како никогаш досега. Го напушти теренот во количка и сега е во соблекувалната - перфектна, беше и во ресторанот. Не ми се допаѓаат овие работи“, доаде италијанскат тенисерка.