Циципас е прв финалист на Мастерсот во Монте Карло
Циципас прв успеа да направи брејк во четвртиот гем, кога ја искористи третата брејк топка во мечот (3-1), но потоа Еванс врати со иста мера и намали на 2-3. Сепак, Гркот беше фантастичен во продолжение од сетот и со нови два брејка го доби со 6-2.
Британскиот тенисер немаше сила во вториот сет за некаква сензација, па Циципас со два брејка на негов сервис го доби сетот со 6-1 и избори финале во Монте Карло.
Друштво на Циципас во финалето ќе му прави подобриот од мечот меѓу Рубљов и Руд.