Алкараз продолжува да гази сѐ пред себе: Во Токио дојде до третата титула по ред!

30 септември 2025 - 13:05

Шпанскиот тенисер, Карлос Алкараз, дојде до победничкиот пехар на АТП турнирот во Токио, совладувајќи го Американецот Тејлор Фриц (6-4, 6-4) во големото финале кое траеше час и половина.

Со овој триумф, младиот Шпанец ја продолжи својата импресивна форма и стигна до трета последователна титула по победите во Синсинати и на Ју-Ес опен. Ова му е осма титула за сезоната и вкупно 24. во професионалната кариера. Алкараз последен пат беше поразен на официјален турнир во финалето на Вимблдон од Јаник Синер.

Финалето во Токио беше петти меѓусебен дуел меѓу Алкараз и Фриц, а четврти во кој Шпанецот извојува победа. Турнирот во главниот град на Јапонија имаше награден фонд од 2.226.470 американски долари, а победникот ќе инкасира 750.000 долари.

ФОТО: EPA PHOTO