Нова победа на Шифрин, но и уште еден подиум за скијачката од Албанија!

23 ноември 2025 - 15:42

Најдобрата светска скијачка, Микаела Шифрин, триумфира на денешната слаломската трка во Гургл, со што стигна до 103. победа во својата блескава кариера.

Уште еден блескав настап имаше и Албанката Лара Колтури, која вторпат сезонава, а третпат во кариерата дојде до второто место, додека третопласирана беше Швајцарката Камил Раст.

За Шифрин ова е повторување на ланскиот почеток на сезоната, кога исто така славеше на првите две трки – во Леви и Гургл. Колтури заостана 1,23 секунди зад победничката, додека Раст имаше 1,41 секунда послабо време.