Мајер најбрз во супер џи во Лејк Луис

01 декември 2019 - 22:42

Матијас Мајер славеше на првиот сезонски супер џи во Светскиот скијачки куп што денеска се одржа во Лејк Луис, Канада. 

Актуелниот олимписки шампион во оваа дисциплина славеше со време од 1:31,40 минути, пред ланскиот шампион во супер џи Доминик Парис. На третото место израмнети беа Винсент Крихмајер и Мауро Кавизел. 

Денешниот победник Мајер е лидер и во вкупниот поредок со 161 бод, еден повеќе од Парис, додека трет е Томас Дрезен.