Освојуваше медали и имаше договор од 200.000 долари, а денес работи за 12 долари од час

Вилијамс во еден период од кариерата заработувала по 200.000 долари годишно само од спонзорскиот договор со „Најк“. Во годината кога испиша историја како прва Американка со медал на летни и зимски Олимписки игри, нејзината вкупна заработка изнесувала 80.000 долари.

Но, по завршувањето на спортската кариера била принудена да почне од нула, работејќи како приправник за 12 долари на час во компанијата „Briaud Financial Advisors“.

Во изјава за американските медиуми, 42-годишната Вилијамс зборуваше за ситуацијата со која се соочила.

„Постои перцепција дека, бидејќи сум прва и единствена што го постигнала тоа, постојано добивам покани за мотивациски говори. Имам некои ангажмани, но не можам да живеам од тоа. Имаше медиумско внимание, но спонзорите не дојдоа“, вели таа.

„Целите мои дваесетти ги поминав во натпреварување, па се чувствував несигурно бидејќи немав никакво реално работно искуство. Имав чувство дека доцнам како на 30 години дури да започнував, додека моите пријатели веќе беа лекари и адвокати со изградени кариери“, додава Вилијамс.

Олимписката шампионка, која освои злато во штафетата 4x100 метри на Игрите во Лондон 2012 и сребро во боб  во Сочи во 2014, нагласува дека спортските успеси не се гаранција за безгрижна иднина.

„Мојата кариера траеше десет години, што до 30-тата година ме стави во подобра позиција од просечната личност. Но тоа не ми донесе приходи со кои би можела цел живот да се одморам и никогаш повеќе да не работам“, искрена е таа.

Фото: ЕPA