Олимпијката Релиќ освои бронзен медал на силниот турнир во Загреб!

Релиќ поради високото рангирање беше слободна во првото коло, а во второто ја совлада Американката Хлое Чуа со 2-0 во рунди. Во четвртфиналето, по неизвесна борба и одлука на судиите, ја победи Србинката Наѓа Савковиќ со 2-1, прекинувајќи ја низата од три претходни порази против истата противничка.

Македонката во полуфиналето загуби од Шпанката Арлет Ортиз Бените, но нејзиниот настап и освоените поени ќе бидат значајни за светската и олимписката ранг-листа, како подготовка за Лос Анџелес 2028.