Македонија – напред! Јапонците на македонски јазик ги поздравија нашите олимпијци (ВИДЕО)

18 јули 2021 - 19:07

Жителите на јапонскиот град Чигасаки, кој е одреден да биде домаќин на македонскиот олимписки тим, на фантастичен начин се подготвија да ги пречекаат нашите спортисти, па дури и научија македонски јазик со цел да снимат видео во кое градоначалникот, неговиот заменик, но и обичните жители меѓу кои има и многу деца кажуваат за кого ќе навиваат на претстојните Олимписки игри (ОИ) во Токио (23 јули-8 август).

На видеото доминира шалот со зборот Македонија на него, а непроценливо е да се слуша како Јапонците го „кршат“ јазик и без никакви проблеми кажуваат „Македонија, Македонија – напред“. Освен во официјалниот превод на тоа што го зборуваат на јапонски, нашите домаќини во ниту еден момент не го споменуваат зборот „Северна“, туку за нив нашата држава е Македонија, а жителите Македонци.

Чигасаки е град со околу 250.000 жители, кои во следните дваесетина дека ќе претставува Македонија во мало и каде што од срце ќе се навива за осумте македонски спортисти кои ќе ги бранат жолто-црвените бои на Игрите во Токио.