Фотографија од пред 16 години стана хит: Едно семејство - десет олимписки медали!

Во 2010 година фотографот Горaзд Кавчиќ направи фотографија на која заедно се: 17-годишниот Петер, 13-годишниот Цене, 10-годишниот Домен и 4-годишната Ника.

Тогаш, Петер штотуку дебитираше во Светскиот куп и беше 35. во вкупниот пласман, далеку од статусот на најдобар ски-скокач на светот. Од друга страна неговите браќа Цене и Домен штотуку почнуваа да се занимаваат со ски-скокови, додека Ника сè уште немаше застанато на скии.

Шеснаесет години подоцна, четворицата имаат вкупно десет олимписки медали и сигурно спаѓаат меѓу најуспешните спортски семејства во историјата. Само на тековните Игри во Милано и Кортина, семејството Превц освои пет медали, од кои три златни.

Петер Превц во својата колекција има злато од мешано екипно натпреварување во Пекинг 2022, сребро од мала ски-скокалница во Сочи 2014 и од екипно во 2022, како и бронза од голема ски-скокалница 2014 година.

Ника Превц освои злато од мешано екипно натпреварување, сребро од малата ски-скокалница и бронза од големата ски-скокалница, сите на овогодинешните Олимписки игри..

Домен Превц пак оваа година се закити со златни медали од мешано екипно натпреварување и од голема ски-скокалница, додека Цене Превц има сребро од машката екипа на Олимпијадата во Пекинг 2022.