Струмичани победија, но не стигнаа до 2.коло во Лигата на шампиони
Нашиот тим на првиот дуел во Холандија загуби со максимални 3-0. Денеска во СЦ „Јане Сандански“, гостите го освоија првиот сет со 22-25. Струмичани ги добија следните три со 27-25, 25-23 и 25-21.
Гостите среќно славеа во златниот сет со 15-13 и така обезбедија учество во второто коло.
Владо Милев со 18 поени беше најефикасен во редовите на Струмица, додека Мартијн Брилхуис имаше 20 за гостите од Холандија.
Динамо Апелдорн во следното второ коло ќе се соочи со Бенфика од Португалија.