УФЦ подготвува „план Б“ доколку пропадне борбата на Мекгрегор

13 јуни 2024 - 13:42

На 29 јуни во Лас Вегас треба да се соочат Конор Мекгрегор и Мајкл Чендлер, но во медиумите се појавија шпекулации дека борбата би можела да пропадне.

Познатиот новинар Ариел Хелвани во последната емисија кажа дека УФЦ подготвува „план Б“ доколку не се одржи борбата меѓу Мекгрегор и Чендлер.

„Минатата недела постоеше загриженост дека би можела да се откаже борбата, а преку различни извори дознав дека се јавуваат менаџери и бараат замена за Мекгрегор, односно се бара резервна опција. УФЦ напорно работи на план Б, односно борец кој ќе влезе во рингот со Чендлер“, кажа Хелвани.