УФЦ-борец одби да се предаде, заработи сериозна повреда, па победи! (ФОТО)

21 март 2023 - 14:40

Борецот Мухамед Мокаев минатиот викенд на УФЦ 286 оствари 10. победа во неговиот 11. натпревар во кариерата, откако беше подобар од Јафел Филхо.

Филхо беше на чекор до победа и сите очекуваа Мокаев да ја предаде борбата, но тоа не се случи и заработи сериозна повреда, по што се извлече од зафатот на противникот и успеа да го победи.

„Некои ме критикуваат дека не сум се предал и така сум ја ризикувал кариерата. Подобро да ја завршам кариерата, отколку да се предадам. Имам болки, но ако се предадев, срцето ќе ме болеше повеќе од сè друго“, кажа Мокаев.