Супер најава за Олимписките игри - падна европскиот рекорд на 400 метри

20 јули 2024 - 22:06

На последниот митинг од Дијамантската лига во пресрет на Олимписките игри, одржан вечерва во Лондон, атлетичарите покажаа дека се наоѓаат во добра форма.

Воодушеви Британецот, Метју Хадсон-Смит кој постави нов европски рекорд на 400 метри откако постигна време од 43,74 секунди. Со тоа, за 33 стотинки го поправи досегашниот континентален рекорд чиј сопственик беше тој, а го постави на 30 мај во Осло.

Светскиот рекорд на оваа делница изнесува 43,03 секунди, а го постави Вејде ван Никерк од Јужна Африка во 2016 година.