Српската кралица го освои „дијамантот, па наместо да слави ја тешеше повредената ривалка (ВИДЕО)

18 септември 2023 - 09:06

Најдобрата српска атлетичарка, Ивана Вулета, по петти пат дојде до трофејот во скок во далечина во Дијамантската лига, откако на завршниот митинг во Јуџин (САД) во последната серија скокна 6,85 метри со што се изедначи со најголемата конкурентка, Есе Брума (Нигерија) од која имаше подобар втор скок.

Тоа се случи пред Африканката да треба да скока последен пат, кога ѝ требаше скок од најмалку 6,78 метри за да дојде до златото, но таа воопшто не го искористи обидот поради повреда што за Србинката значеше нова победа. Србинката во поголемиот дел од натпреварувањето беше на второто место, особено што Бруме уште во третата серија прескокна 6,85 метри, далечина која убавата Ивана ја достигна дури во шестата серија.

Вулета во тие моменти покажа дека има големо срце па наместо да го слави успехот, таа дојде до атлетичарката од Нигерија која беше во солзи од тага и само ја гушна за да ја утеши поради непријатниот проблем.