Србија ја надигра Шпанија, но остана без место на СП 2025

12 мај 2024 - 19:08

Ракометарите на Србија останаа без пласман на Светското првенство (СП), иако во реваншот во баражот беа подобри од Шпанија со 25-22, откако првиот меч го загубија со 28-32.

Србија во првото полувреме ја имаше посакуваната предност од четири голови, а водството достигна и шест гола во вториот дел (21-15), меѓутоа шпанските ракометари влегоа во одличен ритам и избегнаа црно сценарио во завршницата.

Најефикасен во редовите на Србија беше Вања Илиќ со шест голови, додека Алекс Гомез погоди пет пати за Шпанија.

Место на СП 2025 преку баражот обезбедија и селекциите на Унгарија, Португалија, Италија и Полска.