Македонскиот тандем во Валјадолид заедно даде 15 гола и донесе триумф во АСОБАЛ

26 март 2023 - 15:58

Македонскиот тандем во шпански Валјадолид, Дарко Димитриевски и Димитар Димитровски заедно постигнаа безмалку половина од головите, 15 од 33, за нивниот тим да запише тесна победа со гол разлика (33-32) за прва победа во оваа 2023 година во АСОБАЛ-лигата.

Димитриевски постигна дури 11 гола на мечот против Троелевага, додека Димитровски додаде четири за победата на Валјадолид, шеста сезонава за овој тим, кој е трет одзади на табелата.

Валјадолид има ист број бодови како и Морацо Кањас, бод помалку од Синфин, а два зад Бенидорм. Деветата Анаитасуна и десетата Уеска бегаат пак само една победа и се со 18 бода на контото.