Томовски: Среќни сме, но и жалиме што не победивме!

Последните напади на Португалците беа спречени од фантастичниот Томовски. Тој во второто полувреме имаше неколку интервенции кои направија разлика.

Фати топка кога Португалците мислеа дека шутираат на празен гол, а тој летна и одбрани, а потоа фати и две клучни топки во последниот напад на противникот.

„Среќни сме, но и жалиме затоа што имавме можност да победиме. Покажавме добра психолошка состојба, иако губевме. Се вративме и не се предадовме, сите бевме како едно и ги намаливме грешките. Бевме одлични во нападот и на крајот освоивме бод. Ако бидеме сплотени, можеме секого да победиме“, рече Томовски.