Со познати сили во Турција, дебитира Костески (ФОТО)

12 јуни 2019 - 14:00

Ракометната репрезентација на Македонија вечерва од 18 часот ќе гостува кај Турција во Ескишехир во претпоследното коло од квалификациите за Европското првенство во 2020.

Селекторот на македонската репрезентација Данило Брестовац и неговиот противник на спротивната страна ги објавија составите пред вечерашниот дуел, а во составот на Македонија дебитира Ненад Костески.

Македонија има голема шанса за освојување на првото место во групата 3, а освен дуелот против Турција, нашите ракометари ќе се пресметаат и против Грција во недела од 18 часот во Струмица.