РФМ ѝ се заблагодари на „Фалангата“: Кога ги имаш најдобрите навивачи... (ВИДЕО)

17 јануари 2025 - 10:04

Ракометната федерација на Македонија со емотивно видео им се заблагодари на фановите кои ја бодреа нашата репрезентација на првиот натпревар од Светското првенство, против Унгарија.

Од сите страни во Вараждин арената можеше да се слушнат навивачките песни на „Фалангата“ која во голем број го поддржаа националниот тим и потоа се израдуваа на освоениот бод.

„Кога ги имаш најдобрите навивачи во светот се е полесно. За атмосферата во Вараждин уште долго време ќе се зборува. Вие сте нашата сила. Ви благодариме за поддршката. За кого? За Македонија!“, објави РФМ.

Нова шанса да покажат дека се најдобри, нашите навивачи ќе имаат денеска од 18 часот кога македонската репрезентација се среќава со Холандија во второто коло.