Ракометарите ќе поделат 1.000.000 денари ако ја победат Словенија

04 март 2025 - 15:27

Новиот претседател на Ракометната федерација на Македонија (РФМ), Александар Стефанов предложи премија за ракометарите ако ја совладаат Словенија во престојниот квалификациски меч за Европското првенство.

Стефанов предложи ракометарите да поделат 1.000.000 денари за евентуална победа над Словенија. Управниот одбор го прифати предлогот и го изгласа.

Мечот со Словенија го играме на 12 март во Скопје со почеток од 20 часот во СЦ Борис Трајковски, а собирот на репрезентативците е три дена претходно.

На Словенија ќе ѝ гостуваме на 16 март во Копер од 18:30 часот.