Нашата ракометна иднина загуби од Грција со 11 разлика!

20 февруари 2020 - 10:55

Македонската кадетска ракометна репрезентација доживеа дебакл од 11 голови разлика од Грција на Медитеранскиот шампионат, што се одржува во Атина. 

Нашите таленти во разигрувањето за пласман од 9-то до 14-то место загубија со 25-14. Бевме рамноправни само во првата третина, кога резултатот беше 5-5, но потоа момците на селекторот Никола Матлиески комплетно се распаднаа. Во следните третини загубивме со 11-5 и 9-4. 

Утре во разигрувањето за што подобар пласман се среќаваме со Саудиска Арабија, додека задутре против Кувајт. Во првата фаза на Медитеранскиот шампионат запишавме четири порази, едно реми и само една победа.