Македонија ќе биде домаќин на Медитеранското ракометно првенство во 2027 година

Извршниот комитет на Медитеранската ракометна конфедерација (MHC), на седницата одржана на 27 август 2026 година, едногласно донесе одлука организацијата на шампионатот да ѝ биде доделена на Македонија, а на првенството ќе настапат ракометари родени во 2010 година и помлади.

„Доделувањето на организацијата претставува уште една потврда за довербата во Ракометната федерација на Македонија и нејзините организациски капацитети за реализација на меѓународни ракометни натпреварувања. Скопје повторно ќе биде домаќин на меѓународен ракометен шампионат“, соопшти РФМ.