Македонија ја „нокаутира“ и Словачка за прво место на турнирот во Турција

07 декември 2025 - 11:45

Женската ракометна репрезентација на Македонија триумфира со 26-24 против Словачка, па така го заврши турнирот во Турција на првата позиција со две победи и едно реми.

Првото полувреме меѓу Македонија и Словачка го одбележа израмнета игра, па на паузата се замина со нерешен резултат (12-12).

Македонија заигра подобро на стартот на вториот дел и поведе со 15-12, додека на Словачка ѝ требаше дури 11 минути за да го постигне првиот гол.

Нашите ракометари ја одржуваа предноста од три голови до самиот финиш, кога Словачка намали на два гола негатива (24-26), а потоа имаше напад и за еден негатива, меѓутоа Македонките успешно се одбранија и триумфираа на мечот.

Најефикасни во македонскиот состав беа Кипријановска и Ризоска со по шест голови.